იტალიის თასის მეოთხედფინალში „ვირტუს ბოლონია“ მოულოდნელად საკუთარ მოედანზე „რეჯანასთან“ დამარცხდა და ასპარეზობას გამოეთიშა.

ლუკა ბანკის გუნდმა კარგად დაიწყო და პირველი პერიოდი 5 ქულით მოიგო, მაგრამ შემდეგ თამაშის სადავეები ხელიდან გაექცა და მარცხი განიცადა - 72:81.

თორნიკე შენგელია თანაგუნდელთა შორის საუკეთესო იყო და ორმაგი დუბლი შეასრულა. ქართველმა კალათბურთელმა 20 ქულა, 10 მოხსნა, 2 პასი, 2 ჩაჭრა და 1 დაფარება მიითვალა. შენგელიამ 5-დან 3 ორქულიანი, 6-დან 3 სამქულიანი და 7-დან 5 საჯარიმო ჩააგდო.

თუმცა, საქართველოს ნაკრების შესანიშნავი თამაში „ვირტუსს“ მოსაგებად და ნახევარფინალში გასასვლელად არ ეყო.