ესპანეთის ეროვნული ნაკრების მთავარმა მწვრთნელმა ვისენტე დელ ბოსკემ "ფურია როხას" კარის დარაჯი იკერ კასილიასი სლოვაკეთთან ჩატარებული შეხვედრის შემდეგ დაიცვა. ესპანელმა გოლკიპერმა 87-ე წუთზე შტოხის მიერ დარტყმული ბურთი ვერ მოიგერია და ესპანეთმა ევროშესარჩევში პირველი წაგება (1:2) იწვნია.
"ფოკუსირებულები მატჩის რომელ კომპონენტში უნდა ვყოფილიყავით? რაც იკერს შეემთხვა, ამ პრობლემის მოგვარება შესაძლებელია. ასეთი სიტუაციები მეტ ყურადღებას ითხოვს. არ ვფიქრობ, რომ იგი ფორმიდან გამოვიდა. მატჩის დასაწყისში მან შესანიშნავი სეივი განახორციელა. იგი ფანტასტიკური ფეხბურთელია და ესპანელი გულშემატკივრები მისით უნდა ამაყობდნენ." - განაცხადა ესპანელმა სპეციალისტმა.
ესპანეთის ეროვნული ნაკრები ევროპის 2016 წლის ჩემპიონატის შესარჩევი ეტაპის მომდევნო მატჩს კვირას ლუქსემბურგის წინააღმდეგ გამართავს.
