ფრანგულ „მეცს“ ღრმა კრიზისი აქვს და ლიგა 1-ში ზედიზედ 7 მატჩი წააგო. ლაშლო ბოლონის გუნდს დაცვაში უჭირს, მაგრამ განსაკუთრებით შეტევაში, რაზეც ერთი სტატისტიკა ნათლად მეტყველებს.

გიორგი მიქაუტაძემ მიმდინარე სეზონში „მეცის“ 4 გოლში მიიღო მონაწილეობა (2 გოლი, 2 საგოლე პასი), რითაც გუნდში საუკეთესოა... ამ ამბავში ფრანგული გუნდისთვის სავალალო ისაა, რომ მიქაუტაძეს მხოლოდ 6 მატჩი აქვს ჩატარებული და ნახევარი სეზონი სხვა გუნდში გაატარა...

ხსენებული მარტივი სტატისტიკაც ნათლად მიანიშნებს ფრანგული კლუბის პრობლემებზე.

„მეცი“ უახლოეს მატჩს 9 თებერვალს, „მარსელის“ წინააღმდეგ სტუმრად ჩაატარებს, რომელსაც პირველ წრეში მიქაუტაძემ გოლი გაუტანა.