„ბაიერნს“ ესპანელი ნახევარმცველი ბრაიან სარაგოსა დაგეგმილზე 6 თვით ადრე შეუერთდა.

გერმანელებმა „გრანადას“ შემტევი შემოდგომაზე იყიდეს, მაგრამ ის მიუნხენში ზაფხულიდან უნდა გადაბარგებულიყო. თუმცა, კინგსლი კომანის სერიოზული ტრავმის გამო, გერმანელებმა ფეხბურთელი თავისთან ნაადრევად იხმეს.

ამრიგად, სარაგოსა, რომელსაც „გრანადაში“ 58 მატჩში 11 გოლი აქვს გატანილი, ამიერიდან უკვე „ბაიერნისთვის“ გაირჯება.