ვეტერანი ქართველი კალათბურთელი გიორგი ცინცაძე სანაკრებო კარიერას ასრულებს. კალათბურთის ფედერაციის ცნობით, „ბუ“ ეროვნულ გუნდში ბოლოჯერ 26 თებერვალს, სერბეთის წინააღმდეგ ითამაშებს.
ეს იქნება ცინცაძისთვის 217-ე და ბოლო სანაკრებო შეხვედრა, რითაც ის ქართული სპორტის ისტორიაში რეკორდსმენია.
გიორგი ცინცაძეს საქართველოს ნაკრებში დებიუტი 2004 წელს ჰქონდა და მას შემდეგ 5-ჯერ ევროპის, ხოლო ერთხელ მსოფლიოს ჩემპიონატზე ითამაშა.
