„ბარსელონას“ მთავარმა მწვრთნელმა ჩავიმ განაცხადა, რომ კლუბს დატოვებს, თუ გუნდი არადამაკმაყოფილებელ შედეგებს აჩვენებს.

24 იანვარს „ბარსამ“ ესპანეთის თასის მეოთხედფინალში დამატებით დროში წააგო ბილბაოს „ატლეტიკთან“ (2:4).

„მე ვთქვი, რომ თუ კონკურენტუნარიანობის დონეს არ მივაღწევთ, მაშინ ჩემი პოსტის დატოვება გამართლებული იქნებოდა. ჩვენ დიდ კლუბში ვართ - „ბარსელონაში.“ ვიბრძვით და ვშრომობთ. მაგრამ საიდუმლო არ არის, თუ არ მოიგებ, მწვრთნელს საფრთხე ემუქრება“, - ციტირებს ჩავის სიტყვებს Marca.

ამ დროისთვის, „ბარსელონა" ესპანური პრიმერა დივიზიონის სატურნირო ცხრილში მესამე ადგილზეა, მადრიდის „რეალს" 7 ქულით, ხოლო ლიდერ „ჟირონას“ 8 ქულით ჩამორჩება.