„ნაპოლი“ ბირმინგემის „ასტონ ვილას“ ნახევარმცველ ლეანდერ დენდონკერს დაიმატებს.

იტალიური მედიის ინფორმაციით, მხარეებს შორის შეთანხმება შედგა და 28 წლის ფეხბურთელი იჯარით და გამოსყიდვის უფლებით იტალიელებს შეუერთდება. ლეანდერს იტალიაში სამედიცინო შემოწმებაზე დღეს ელოდებიან.

ლეანდერ დენდონკერმა „ასტონ ვილაში“ 36 მატჩში 1 გოლი გაიტანა, მანამდე კი „ანდერლეხტის“ და „ვულვზის“ წევრი იყო. ბელგიის ნაკრებში მის ანგარიშზე 32 მატჩში 1 გოლია.

შეგახსენებთ, რომ "ნაპოლიმ" მიმდინარე სატრანსფერო პერიოდში პასკუალე მაძოკი, ჰამედ ჟუნიორ ტრაორე და სირილ ნგონგე დაიმატა.