აფრიკის თასზე A ჯგუფში მესამე ტურის მატჩები გაიმართა, რი სშედეგადაც გაირკვა, რომ მერვედფინალში კევატორული გვინეა და ნიგერია გავიდნენ.
ჯგუფური ეტაპის ერთ-ერთი სიურპრიზი ეკვატორული გვინეაა, რომელმაც მოახერხა და ჯგუფში, სადაც მასპინძელი კოტ დივუარი და ნიგერია იყვნენ, 7 ქულით პირველი ადგილი დაიკავა. ბოლო ტურში კოტ დივუარი შინ, საკუთარი პუბლიკის წინაშე სწორედ ეკვატორულ გვინეასთან შერცხვა - 0:4!
მეორე ადგილზე გავიდა ნიგერია, რომელმაც გვინეა-ბისაუს 1:0 აჯობა და 7 ქულა დააგროვა, თუმცა, ბურთების უარესი ბალანსით პლეი-ოფში მეორე ადგილით გავიდა. კოტ დივუარმა ფიასკო განიცადა, რადგან ტურნირის ერთ-ერთი ფავორიტი ახლოსაა ჯგუფში ჩარჩენასთან. საქმე ისაა, რომ 3 ქულა აქვს და მესამე ადგილი დაიკავა. ახლა საჭიროა ჯგუფური ეტაპი დასრულდეს, რათა გაირკვეს, გავა თუ არა, კოტ დივუარი პლეი-ოფში. ამისთვის საჭიროა 6 მესამე ადგილოსნიდან ოთხ საუკეთესოში მოხვდეს, რაც 3 ქულით გაუჭირდება.
