NBA-ში გოგა ბითაძის „ორლანდო მეჯიქმა“ საკუთარ მოედანზე „ფილადელფიასთან“ 109:124 წააგო. მასპინძლებმა მეორე პერიოდი ჩააგდეს, რაც საბოლოო ჯამში მარცხის ფასად დაუჯდათ.

ბითაძემ მოედანზე 15:35 წუთი გაატარა, ხსენებულ დროში კი 2 ქულა, 2 მოხსნა, 1 პასი, 1 ჩაჭრა და 1 დაფარება დააგროვა. ქართველმა ცენტრმა 1-დან 1 ორქულიანი ჩააგდო, 1 სამქულიანი კი ააცილა.

მატჩის საუკეთესო მოთამაშე ჟოელ ემბიდი იყო, რომელმაც „ფილას“ 36 ქულა, 7 მოხსნა და 2 პასი შესძინა.

„ორლანდო“ აღმოსავლეთ კონფერენციაში 22 მოგებით და 20 წაგებით მერვე ადგილზეა, მომდევნო შეხვედრას კი შინ 22 იანვარს, „მაიამისთან“ ჩაატარებს.