ლეგენდარულმა იტალიელმა მწვრთნელმა ფაბიო კაპელომ განაცხადა, რომ „ნაპოლის“ პრობლემები უკან არ მოუტოვებია, მაგრამ ძველი ხვიჩა კვარაცხელია მისი აზრით ბრუნდება.

„ვფიქრობ, „ნაპოლი“ ჯერ კიდევ სამუშაო პროცესშია. მაძარი ახალი მოსულია და თავიდანვე ნათელი იყო, რომ პრობლემები ექნებოდა. თუმცა, „სალერნიტანასთან“ ბოლო 20 წუთის განმავლობაში ვნახე ძველი კვარაცხელია, რომელიც მეტოქეებზე დრიბლინგს ისევ ცდილობდა. არ დაგვავიწყდეს, რომ გუნდში ოსიმენი არ არის, ნახეთ, როგორ გაუჭირდა „ინტერს“ ლაუტაროს გარეშე, არა?“, - თქვა კაპელომ.

შეგახსენებთ, რომ „ნაპოლი“ დღეს იტალიის სუპერთასის ნახევარფინალში „ფიორენტინას“ დაუპირისპირდება. მატჩი თბილისის დროით 23:00 საათზე გაიმართება.