„ნაპოლი“ „ვერონას“ შემტევი ნახევარმცველის, სირილ ნგონჟეს გაფორმებასთან ახლოსაა. იტალიური მედიის ცნობით, ტრანსფერზე შეთანხმება შედგა.

„ვერონა“ 23 წლის ბელგიელში ბონუსების ჩათვლით თითქმის 18 მილიონ ევრომდე მიიღებს. ნგონჟემ სამედიცინო შემოწმება უახლოეს ხანში უნდა გაიაროს, რის შემდგომაც კონტრაქტს ხელს მოაწერს.

„ნაპოლიმ“ მიმდინარე თვეში უკვე დაიმატა პასკუალე მაძოკი, დღეს სამედიცინო შემოწმებას გაივლის ჰამედ ტრაორე, ხოლო ბელგიელი ვალტერ მაძარის გუნდის მესამე ახალწვეული გახდება.

მიმდინარე სეზონში სირილ ნგონჟემ „ვერონას“ მაისურით 21 შეხვედრაში თავი 6 გოლით გამოიჩინა. მას „ბრიუგეში“, პსვ ეინდჰოვენში, „ვალვაიკსა“ და „გრონინგენში“ აქვს ნათამაშები.