საქართველოს ნაკრებისა და „დინამო თბილისის“ ნახევარმცველი ანზორ მექვაბიშვილი „კრაიოვას“ დაუკავშირეს.

ადგილობრივი მედიის ინფორმაციით, რუმინული კლუბი დაინტერესებულია 22 წლის ქართველი ფეხბურთელის შეძენით, თუმცა სავარაუდო ტრანსფერის კონკრეტული დეტალების შესახებ ინფორმაცია არ ვრცელდება. „კრაიოვა“ რუმინეთის ჩემპიონატში ამჟამად მესამე ადგილზეა.

შეგახსენებთ, რომ ანზორ მექვაბიშვილს „დინამოში“ 113 მატჩში 8 გოლი აქვს გატანილი, ხოლო საქართველოს ნაკრებში დღემდე 13-ჯერ ითამაშა.