ჯეიდონ სანჩო „მანჩესტერ იუნაიტედიდან“ „დორტმუნდში“ დაბრუნდა. ტრანსფერი გერმანული კლუბის ვებგვერდმა ოფიციალურად დაადასტურა.

ინგლისელი „ყვითლებს“ მიმდინარე სეზონის ბოლომდე იჯარით შეუერთდა, ის 10-ნომრიანი მაისურით ითამაშებს. სანჩო ერიკ ტენ ჰაგთან კონფლიქტის გამო სექტემბრიდან მოყოლებული „მანჩესტერის“ მთავარ გუნდს ჩამოშორებული იყო.

„მანჩესტერმა“ ჯეიდონი 2021 წელს სწორედ „დორტმუნდიდან“ 85 მილიონ ევროდ შეიძინა და მას შემდეგ 62 მატჩში თავი 12 გოლით და 6 საგოლე პასით გამოიჩინა.

ჯეიდონ სანჩო „დორტმუნდის“ ღირსებას 2017-2021 წლებში იცავდა და 137 შეხვედრაში 50 გოლთან ერთად 64 საგოლე პასიც მიითვალა.