ინგლისის ყოფილმა მთავარმა მწვრთნელმა სვენ-გორან ერიქსონმა განაცხადა, რომ მას კიბოს დიაგნოზი დაუსვეს. შვედი სპეციალისტის თქმით, მას სიცოცხლის ერთი წელი რჩება.

„ყველას ესმის, რომ მძიმე ავადმყოფობა მაქვს. ყველა მიხვდა, რომ ეს სიმსივნეა. მაგრამ მე უნდა ვიბრძოლო სანამ შემიძლია. საუკეთესო შემთხვევაში ერთი წელი მაქვს, უარეს შემთხვევაში ნაკლები. არ განვიცდი რაიმე სერიოზულ ტკივილს. მაგრამ დამიდგინეს დაავადება, რომლის შენელებაც შესაძლებელია, მაგრამ განკურნება შეუძლებელი.

ჯობს ტვინი არ მოატყუო. შემეძლო სულ ამაზე მეფიქრა, სახლში ვმჯდარიყავი, მეწუწუნა და თოვი უიღბლოდ მიმეჩნია.

უმარტივესი გზაა ასე მოქცევა. მაგრამ ბევრად უფრო გონივრულია პოზიტივის პოვნის მცდელობა და ამ წარუმატებლობაში არჩავარდნა“, - ციტირებს ერიქსონის სიტყვებს Sky Sports.

ერიქსონი 75 წლისაა. შვედი სპეციალისტი ინგლისის ეროვნულ გუნდს 2001 წლიდან 2006 წლამდე წვრთნიდა. სვენ-გორანი ასევე მუშაობდა „ბენფიკაში“, „რომაში,“ „სამპდორიასა“ და „ლაციოში.“ სამჯერ გააჩემპიონა „ბენფიკა“ და „რომასთან“ ერთად იტალიის თასი მოიგო.