ახალი საფეხბურთო სეზონისთვის მზადება არასრული შემადგენლობით დაიწყო „დინამო ბათუმმა“ და პირველ ამხანაგურ მატჩს 18 იანვარს, ფოთის „კოლხეთთან“ ჩაატარებს.

საქართველოს მოქმედი ჩემპიონი 20 იანვარიდან 2 თებერვლის ჩათვლით ზამთრის პირველ საწვრთნელ შეკრებას თურქეთის ქალაქ ანტალიაში გაივლის, სადაც სამ საკონტროლო მატჩს ჩაატარებს:

24 იანვარს „ტერმალიცასთან“, 28 იანვარს „შკენდიასთან“ და 1 თებერვალს „ზაგლებიესთან“.

„დინამო ბათუმი“ ზამთრის მეორე საწვრთნელ შეკრებაზე 7 თებერვალს კვლავ ანტალიაში გაივლის, სადაც 21 თებერვლამდე დარჩება და ოთხ საკონტროლო მატჩს ითამაშებს:

11 თებერვალს „კოლოსთან“, 14 თებერვალს „ზორიასთან“ და 20 თებერვალს „რიგასთან“.

მეორე შეკრებაზე გასამართი კიდევ ერთი საკონტროლო მატჩის თარიღი და მეტოქე გუნდის ვინაობა მოგვიანებით დაზუსტდება.