„ნაპოლის“ თავდამსხმელმა ვიქტორ ოსიმენმა მამუკა ჯუღელის განცხადებას უპასუხა და ხვიჩა კვარაცხელიას აგენტს საჯაროდ შეუტია.

„ძვირფასო მამუკა ჯუღელო, ბინძური და სამარცხვინო ადამიანი ხარ. მრცხვენია შენი მსჯელობის, იდიოტო. ჩემი სახელი აღარასდროს ახსენო“, - დაწერა ნიგერიელმა სოციალურ ქსელში.

ოსიმენის ასეთი განცხადება კი, ჯუღელის ინტერვიუს მოჰყვა, რომელიც პირველ არხს მისცა და იქ ნიგერიელზე ილაპარაკა:

„ოსიმენმა ახალი კონტრაქტი გააფორმა, მაგრამ რა გგონიათ, მთელ კარიერას მართლა „ნაპოლიში“ გაატარებს? მომდევნო ზაფხულს ის საუდის არაბეთში წავა. ხვიჩა კი, იქ გადასვლას 1 მილიარდადაც არ დათანხმდება, მას სხვა მიზნები აქვს, მადრიდის „რეალი“ და „ბარსელონა“, - თქვა ჯუღელმა, რასაც მოჰყვა ოსიმენის პასუხი.