„ვალენსია“ ესპანეთის თასის მერვედფინალში გავიდა. რუბენ ბარახას გუნდმა 1/16-ფინალში ქვედალიგელი „კარტახენა“ დამატებით დროში 2:1 დაამარცხა.

„ღამურებმა“ მეოთხე წუთზე გოლი გაუშვეს და 73-ე წუთამდე აგებდნენ, მაგრამ სერხი კანოსის გოლით თამაში დამატებით დროში გადაიყვანეს, სადაც 106-ე წუთზე ხოსე გაიამ გამარჯვების გოლი გაიტანა.

გიორგი მამარდაშვილს სათასო მატჩში არც ამჯერად უთამაშია, ამ ტურნირზე ბარახა მას დასვენების საშუალებას აძლევს. მერვედფინალში „ვალენსიას“ მეტოქე მოგვიანებით გაირკვევა.