ევროლიგის მე-19 ტურში „ვირტუს ბოლონიამ“ სტუმრად ბერლინის „ალბა“ 83:68 დაამარცხა. ბოლონიელები უპირატესობას თავიდანვე დაეუფლნენ და გამარჯვება საკმაოდ ადვილად მოიპოვეს.

თორნიკე შენგელიამ 23 წუთში 12 ქულა, 5 მოხსნა, 5 პასი 1 ჩაჭრა და 1 დაფარება მიითვალა. საქართველოს ნაკრების კაპიტანმა 10-დან 4 ორქულიანი და 4-დან 4 საჯარიმო ჩააგდო, ხოლო 1 სამქულიანი ააცილა.

„ვირტუსი“ 14 მოგებით და 5 წაგებით ევროლიგაში მეორე ადგილზეა, მომდევნო ტურში კი 10 იანვარს, თელ ავივის „მაკაბის“ სტუმრად დაუპირისპირდება.