„ნაპოლი“ „სალერნიტანას“ მცველ პასკუალე მაძოკის დაიმატებს. Sky Sport-ის ცნობით, ტრანსფერი უკვე შეთანხმებულია.

მაძოკის სანაცვლოდ „ნაპოლი“ სალერნოელებს 3 მილიონ ევროს გადაუხდის, ხოლო ფეხბურთელი სამედიცინო შემოწმებას ოთხშაბათს გაივლის და 3.5-წლიან კონტრაქტს გააფორმებს. ამრიგად, 28 წლის ფეხბურთელი ჯოვანი დი ლორენცოს დუბლიორი იქნება, მაგრამ მას მარცხენა მცველის პოზიციაზეც შეუძლია თამაში.

პასკუალე მაძოკის აქამდე „ვერონაში“, „პიაჩენცაში“, „რიმინიში“, „პარმაში“, „პერუჯასა“ და „ვენეციაში“ უთამაშია, „სალერნიტანაში“ კი ბოლო ორი წელი ირჯებოდა. 2022 წელს მან იტალიის ნაკრებში ერთხელ ითამაშა.