ფაბიო კანავაროს ყოფილმა აგენტმა ენრიკო ფედელემ „ნაპოლისა“ და „მონცას“ მატჩზე ისაუბრა. როგორც მან თქვა, ამ მატჩში დადებითი მხოლოდ ხვიჩა კვარაცხელიას პოზიცია იყო და შემდეგ აურელიო დე ლაურენტისი გააკრიტიკა:

„ნაპოლის“ ფეხბურთელები მოშვებული არიან, გასული სეზონის ცუდი ასლის ფეხბურთელებს. რა ვნახე დადებითი? მხოლოდ ერთი რამ: ხვიჩა კვარაცხელიას პოზიცია. ქართველი შეტევის ხაზში თავისუფლად მოქმედებდა და „მონცასთან“ მატჩი რამდენიმე კარგი რაღაც აჩვენა.

პრეზიდენტმა დაშვებული შეცდომებისთვის ბოდიში მოიხადა? მინდა ერთი შეკითხვა დავსვა: მან ისაუბრა გაძლიერებაზე, 3-4 ფეხბურთელის ყიდვაზე, მაგრამ ვინ იყიდის ამ 4 ფეხბურთელს? თქვენ? დე ლაურენტისმა უნდა აღიაროს თავისი შეცდომები და დაეყრდნოს სატრანსფერო ბაზარზე კომპეტენტურ ადამიანებს“, - თქვა ფედელემ.

შეგახსენებთ, რომ ხვიჩა კვარაცხელიას მიმდინარე სეზონში ყველა ტურნირზე ჩატარებულ 23 მატჩში 5 გოლი აქვს გატანილი, 4-ჯერ საგოლე პასი გააკეთა და ორჯერაც პენალტი გამოიმუშავა. „ნაპოლი“ 28 ქულით მეშვიდე ადგილზეა, მაგრამ შეიძლება ტურის დასრულების მერე მერვე პოზიციაზეც იყოს. ვალტერ მაძარის გუნდი მომდევნო ტურში 7 იანვარს, სტუმრად „ტორინოს“ დაუპირისპირდება. სხვათა შორის, "აძურის" ბოლო სამ შეხვედრაში გოლი არ გაუტანია.