იტალიის თასის 1/8-ის მატჩში „ინტერმა“ „ბოლონიას“ უმასპინძლა. შეხვედრა მილანში, „ჯუზეპე მეაცას“ სტადიონზე გაიმართა და სტუმრების გამარჯვებით, ანგარიშით 1:2 დასრულდა.

მატჩის ძირითადი დრო ანგარიშით 0:0 დამთავრდა. დამატებით დროში ინტერი 92-ე წუთზე კარლოს აუგუსტოს გოლით დაწინაურდა. 112-ე წუთზე სემ ბეკემამ ანგარიში გაათანაბრა, ოთხი წუთის შემდეგ კი დენ ნდოიემ გამარჯვების გოლი გაიტანა.

ამგვარად, „ბოლონიამ“ იტალიის თასის მეოთხედფინალში გააღწია, „ინტერმა“ კი ტურნირში მონაწილეობა დაასრულა.

შეგახსენებთ, რომ „ინტერი" იტალიის თასის მოქმედი გამარჯვებულია. გასული სეზონის ფინალურ მატჩში გუნდმა „ფიორენტინა“ ანგარიშით 2:1 დაამარცხა.

იტალიის თასზე გამარჯვებებით რეკორდსმენი „იუვენტუსია,“ რომელმაც თასი 14-ჯერ მოიპოვა. მეორე და მესამე ადგილებს „რომა“ და „ინტერი“ ინაწილებენ. მათ თითოეულს ცხრა-ცხრა გამარჯვება აქვთ.