შაბათს, 16 დეკემბერს, მადრიდის „ატლეტიკო“ ესპანური პრიმერას მე-17 ტურის მატჩში სტუმრად ბილბაოს „ატლეტიკთან“ დამარცხდა - 0:2. ამრიგად, დიეგო სიმეონეს გუნდმა ლიგის ბოლო ექვს მატჩში სამჯერ წააგო.

დამარცხებების სერიამდე, ბოლოს „ატლეტიკომ“ პრიმერას მატჩში სექტემბრის შუა რიცხვებში წააგო. მაშინ გიორგი მამარდაშვილის „ვალენსიამ“ გაანადგურა მადრიდელები - 3:0.

ესპანეთის ჩემპიონატის ბოლო ექვს მატჩში „ატლეტიკომ“ სამჯერ მოიგო „ვილიარეალთან“ (3:1), „მალიორკასთან“ (1:0), „ალმერიასთან“ (2:1) და სამჯერ დამარცხდა „ლას პალმასთან“ (1:2). „ბარსელონასთან“ (0:1) და „ატლეტიკთან“ (0:2).

ამ დროისთვის, სიმეონეს შეგირდები ჩემპიონატში მესამე ადგილზე დგანან და ლიდერ „ჟირონას“ შვიდი ქულით ჩამორჩებიან.