ჩელენჯ თასზე „შავმა ლომმა“ ისტორიული გამარჯვება მოიპოვა, რომელიც მისთვის აღნიშნულ ტურნირზე ისტორიაში პირველი მოგებაა.

ლევან მაისაშვილის გუნდმა უელსში ადგილობრივი „სკარლეტსი“ 23:7 დაამარცხა, რაც სენსაციაა.

უელსელებმა მესამე წუთზე მოახერხეს გარდასახული ლელოს მითვლა და 7:0 დაწინაურდნენ. თუმცა, ამის შემდეგ მთელი თამაშის განმავლობაში ქართულმა ფრენჩაიზმა ქულა არ მიიღო. პირველი ქულები „შავ ლომს“ ლუკა მატკავამ ჯარიმით მოუტანა, რასაც მირიან მოდებაძის ლელო და იმავე მატკავას გარდასახვა მოჰყვა. პირველი ტაიმიც ასე დასრულდა - 10:7.

მეორე ნახევარში ქართველმა მორაგბეებმა უპირატესობა გაზარდეს მატკავას ჯარიმით, ბექა მამრიკიშვილის ლელოთი და მატკავას გარდასახვით, რასაც კიდევ ერთი ჯარიმაც მოჰყვა. საბოლოოდ მაისაშვილის გუნდმა 23:7 დაამარცხა.

„შავი ლომი“ ორი ტურის შემდეგ 5 ქულით მესამე ადგილზეა და მომდევნო ტურში 13 იანვარს, „კასტრს“ სტუმრად დაუპირისპირდება.

„სკარლეტსი“ – „შავი ლომი“ 7:23 (7:10)