იტალიის ნაკრების მთავარმა მწვრთნელმა ლუჩანო სპალეტიმ ევროპის ჩემპიონატის შესახებ კომენტარი გააკეთა. როგორც მან თქვა, სირთულის მიუხედავად, „სკუადრა აძურა“ ვალდებულია ევრო 2024-ზე მოსაგებად ითამაშოს.

„ადვილი ჯგუფი არ გვაქვს და არ არსებობს, მაგრამ მეტოქეების თვალით თუ შევხედავთ, კიდევ უფრო რთულია, როდესაც მე-4 კალათიდან იტალიის დონის მეტოქე გერგება. ისტორია გვაქვს და იტალიისთვის შესაფერისად უნდა ვითამაშოთ, მოქმედი ჩემპიონები ვართ და ჩვენი მოვალეობაა გამარჯვებისთვის ვითამაშოთ“, - თქვა სპალეტიმ.

შეგახსენებთ, რომ იტალიის ნაკრები ევროპის ჩემპიონატზე საკმაოდ რთულ ჯგუფში მოხვდა, სადაც ესპანეთის, ხორვატიის და ალბანეთის ნაკრებებს შეხვდება. იტალია მოქმედი ევროპის ჩემპიონია.