ედი ჯონსი, რომელიც საქართველოს ნაკრების მწვრთნელად განიხილებოდა, იაპონიის ნაკრების მთავარ მწვრთნელად დაინიშნა.
ინფორმაცია ოფიციალურად დადასტურდა და მხარეებმა ოთხწლიანი კონტრაქტი გააფორმეს. ედი ჯონსისთვის იაპონია ძალიან ნაცნობია, რადგან 2012-2015 წლებში ამ ნაკრებს უკვე წვრთნიდა. საერთოდაც, დედამისი იაპონელია.
ჯონსი ბოლოს ავსტრალიის ნაკრებში მუშაობდა, მანამდე ინგლისის ნაკრების მწვრთნელიც იყო. სხვადასხვა დროს გამოცდილ სპეციალისტს არაერთ გუნდშიც აქვს ნამუშევარი.
