მადრიდის „ატლეტიკომ“ კლუბის გაყიდვის პროცესი დაიწყო, იუწყება La Sexta.

„ატლეტიკოს“ გენერალურმა დირექტორმა მიგელ ანხელ ჟილ მარინმა, კლუბის პრეზიდენტ ენრიკე სერეზოსთან ერთად, დაიწყო კლუბის გაყიდვის პროცესი. ისინი ფლობენ კლუბის აქციების 65 პროცენტს.

წყაროს ცნობით, პირველი კონტაქტები უკვე შედგა. ამერიკელმა ბიზნესმენმა, NFL-ის გუნდის, „მაიამი დოლფინსის“ მფლობელმა სტივენ როსმა, შესაძლოა მადრიდული კლუბი შეიძინოს.

ამ დროისთვის „ატლეტიკო“ ესპანეთის ჩემპიონატის სატურნირო ცხრილში 34 ქულით მეოთხე ადგილზეა. მომდევნო ტურში ბილბაოს „ატლეტიკს“ შეხვდება. მატჩი 16 დეკემბერს გაიმართება.

ჩემპიონთა ლიგაზე გუნდი 11 ქულით ერთპიროვნულად ლიდერობს E ჯგუფის ცხრილს.