ნეაპოლელმა ჟურნალისტმა იოლანდა დე რიენცომ ხვიჩა კვარაცხელიაზე ისაუბრა. როგორც მან აღნიშნა, მსგავსი ჩავარდნა კარიერაში ალესანდრო დელ პიეროსაც ჰქონდა, რომელმაც შემდეგ მოახერხა მაღალ დონეზე დაბრუნება.
იოლანდას აზრით, სწორედ ეს პერიოდი გასცემს პასუხს, კვარაცხელია დიდი ფეხბურთელი გახდება თუ უბრალოდ კარგი მოთამაშე იქნება:
„კრიზისული პერიოდი კვარას სპალეტის დროსაც ჰქონდა. განსხვავება კარგ მოთამაშესა და ჩემპიონს შორის სწორედ ამ მომენტებში ჩანს. დელ პიეროსაც ჰქონდა ჩავარდნა, მაგრამ შემდეგ თავის დონეს დაუბრუნდა. კვარა დაამტკიცებს არის თუ არა ჩემპიონი იმის მიხედვით, როგორ რეაგირებას მოახდენს ამ პერიოდზე: იქნება ის უბრალოდ კარგი ფეხბურთელი, როგორც ჟელინსკია, თუ ნამდვილი ტოპ-ფეხბურთელი“, - თქვა დე რიენცომ.
