არაბთა გაერთიანებულ საემიროებში, ქალაქ ალ-აინში მიმდინარე მსოფლიო თასის გათამაშებაზე პარა სროლაში ლადო ჭინჭარაული ბრინჯაოს მედლის მფლობელია.
ალ-აინი 2023-ის მიმდინარე ტურნირზე, პნევმატური შაშხანიდან სროლაში R4 კლასში მონაწილე 18 ქვეყნის პარამსროლელს შორის, ჩვენი პარასპორტსმენი მესამე ადგილზე გავიდა.
ქართველი პარამსროლელები ტურნირზე გამოსვლას აგრძელებენ. ჭინჭარაული 16 დეკემბერს ცეცხლსასროლით 50 მეტრ დისტანციაზე R9-ში იასპარეზებს.
აღნიშნულ შეჯიბრზე, დღეს ჩაერთვება დებიუტანტი გიორგი შეყილაძე, რომელიც ISAF-ის მისიაში დაჭრილი სამხედრო მოსამსახურეა. ქართველი სპორტსმენი საპრიზო ადგილის მოპოვებას პისტოლეტიდან სროლაში შეეცდება.
