„ტორინოს“ მთავარმა მწვრთნელმა ივან იურიჩმა საბა საზონოვზე „ფროზინონესთან“ მატჩის წინ ისაუბრა. როგორც ხორვატმა სპეციალისტმა აღნიშნა, ქართველი მცველით აღტაცებულია და მის გამო ყველაფერს გაიღებს.

„მას გიჟური მენატლიტეტი აქვს. ის ერთ-ერთია იმ მოთამაშეთაგან, ვის გამოც ყველაფერს გავიღებდი. ვფიქრობ, ნაბიჯებს წინ დგამს, ყოველდღე გაუმჯობესება სურს და ეს არ არის ადვილი, როცა თამაში არ გიწევს. დარწმუნებული ვარ, ამ სეზონში დაგვეხმარება. ძალიან ბედნიერი ვარ მისით. კმაყოფილი ვარ, თუ როგორ უმკლავდება ამ გამოცდილებას, სადაც სხვა ტიპის ფეხბურთია და შეიძლება იყოს სირთულეებიც. დარწმუნებული ვარ, მისი საქმისადმი დამოკიდებულებიდან გამომდინარე მაქსიმუმის გაკეთებას შეძლებს“, - თქვა იურიჩმა.

შეგახსენებთ, რომ საბა საზონოვმა მიმდინარე სეზონში მხოლოდ სამი თამაში ჩაატარა. „ფროზინონეს“ და „ტორინოს“ მატჩი 10 დეკემბერს, თბილისის დროით 15:30 საათზე გაიმართება.