სეოკ-ის მხარდაჭერითა და საერთაშორისო ოლიმპიური კომიტეტის ოლიმპიური სოლიდარობის პროგრამული დაფინანსებით საქართველოს მშვილდოსნობის ეროვნულმა ფედერაციამ 27 ნოემბრიდან 3 დეკემბრამდე უმასპინძლა მწვრთნელთა ტექნიკურ კურსებს.

კურსებს უძღვებოდნენ მშვილდოსნობის საერთაშორისო ფედერაციის მიერ შერჩეული ექსპერტი ვიქტორია კოვალი და მშვილდოსნობის ეროვნული ფედერაციის გენერალური მდივანი არტემ სანიშვილი.

კურსები წარმატებით გაიარა საქართველოს რეგიონებიდან მოვლენილმა 13-მა სხვადასხვა კატეგორიის მწვრთნელმა. ტექნიკური კურსები მოიცავდა როგორც თეორიულ, ასევე პრაქტიკულ სემინარებს.

წარმატებულ კურსდამთავრებულებს შესაბამისი სერტიფიკატები გადასცა სეოკ-ის გენერალურმა მდივანმა ემზარ ზენაიშვილმა.

სერტიფიკატების გადაცემის ცერემონიას ესწრებოდნენ ფედერაციის პრეზიდენტი სიმონ ნოზაძე და სხვა ხელმძღვანელი პირები.

GEONOC.ORG.GE