„იუვენტუსის“ ნახევარმცველის, პოლ პოგბას წინააღმდეგ ანტიდოპინგურმა პროკურატურამ 4-წლიანი დისკვალიფიკაცია მოითხოვა.

მას შემდეგ რაც საქმე შეისწავლეს, გადაწყდა, რომ ფრანგი ნახევარმცველი ფეხბურთიდან დიდი ხნით ჩამოშორებას იმსახურებს. პოგბას 20 აგვისტოს, „უდინეზე“ – „იუვენტუსის“ მატჩის შემდეგ სხეულში აკრძალული პრეპარატი, ტესტოსტერონი აღმოაჩნდა. ფრანგს ხსენებულ შეხვედრაში არ უთამაშია.

პოგბა სექტემბრიდან მოყოლებული მოედანზე არ გასულა, 4-წლიანი დისკვალიფიკაცია თუ დაუდასტურდა, ეს პრაქტიკულად მისი კარიერის დასასრულს ნიშნავს.