ხვიჩა კვარაცხელია იტალიის ფეხბურთელთა ასოციაციამ დააჯილდოვა, როგორც სერია A-ს გასული სეზონის საუკეთესო გოლის ავტორი.
თუმცა, ორგანიზატორებმა შეცდომა დაუშვეს, რადგან ჯილდოზე ქართველი ფეხბურთელის გვარი არასწორად დააწერეს, მით უფრო, რომ ორი შეცდომა დაუშვეს.
ჯილდოზე წერია: Khvicha K’varatskheila. რა თქმა უნდა, გვარში აპოსტროფი ზედმეტია, კვარაცხე-ლიას ნაცვლად კი დააწერეს კვარაცხე-ილა...
ამ ფაქტს გამოეხმაურა იტალიელი ჟურნალისტი პაოლო ძილიანი, რომელმაც ტვიტერში დაწერა, რომ ისინი არ იმსახურებენ ასეთ ფეხბურთელს და ისურვა, რომ ხვიჩა რაც შეიძლება მალე პრემიერლიგაში წავიდეს.
