მადრიდის "რეალის" ნახევარმცველს ჯუდ ბელინგემს მხრის ოპერაცია სჭირდება. ამის შესახებ The Athletic იტყობინება.

წყაროს ცნობით, მადრიდულ კლუბს მიაჩნია, რომ ოპერაციას შეუძლია პრობლემის მოგვარება, თუმცა საწყისი ვარიანტი კონსერვატიული მკურნალობაა.

ადრე თუ გვიან, ფეხბურთელს სავარაუდოდ ოპერაცია მოუწევს, მაგრამ ეს არ არის გადაუდებელი და შეიძლება გარკვეული პერიოდი მოიცადოს. ყველაფერი დამოკიდებული იქნება იმაზე, თუ რამდენად მზადაა ინგლისელი შეეგუოს ტკივილით თამაშს.

ექიმმა, სანტიაგო არაუსმა, მადრიდის Clinica Cemtro-ს მხრის განყოფილების ხელმძღვანელმა, აღნიშნა, რომ ყველას, ვისაც მხარი აწუხებს, აქვს რეციდივის რისკი და რაც უფრო ახალგაზრდაა ფეხბურთელი, მით უფრო მაღალია პრობლემის განმეორების ალბათობა. არაუსის პროგნოზით, ოპერაციის შემდეგ აღდგენას მინიმუმ ორი თვე დასჭირდება.

შეგახსენებთ, რომ ჯუდ ბელინგემმა მიმდინარე სეზონში ყველა ტურნირზე 15 გოლის გატანა მოახერხა.