„ლიონის“ მთავარი მწვრთნელის პოსტიდან ფაბიო გროსო გაათავისუფლეს. ინფორმაცია ოფიციალურად დადასტურდა.
ფრანგული გუნდიდან გროსოსთან ერთად გაუშვეს მისი შტაბის წევრები. გუნდს დროებით პიერ საჟე უხელმძღვანელებს, მომავალი მთავარი მწვრთნელის ვინაობა კი მოგვიანებით გაირკვევა.
„ლიონმა“ მიმდინარე სეზონი ლორან ბლანის ხელმძღვანელობით დაიწყო, რომელიც სექტემბერში გროსომ შეცვალა, მაგრამ სამსახურიდან ისიც მალე დაითხოვეს.
„ლიონი“ საფრანგეთის ლიგა 1-ში 7 ქულით ბოლო ადგილზეა და ძალიან ცუდი სეზონი აქვს.
