მადრიდის „რეალის" ნახევარმცველი, ჯუდ ბელინგემი, მეოთხე ფეხბურთელი გახდა, რომელმაც ჩემპიონთა ლიგაზე 10 და მეტი გოლი გაიტანა, სანამ 21 წლის გახდებოდა.

ჩემპიონთა ლიგის C ჯგუფის მე-5 ტურის მატჩში 20 წლის ბელინგემმა იტალიურ „ნაპოლის“ (4:2) გაუტანა. ინგლისელისთვის ეს გოლი ტურნირზე მე-10 გახდა. მხოლოდ სამმა მოთამაშემ გაიტანა იმდენი ან მეტი გოლი, სანამ 21 წლის გახდებოდა. ესენი არიან „მანჩესტერ სიტის" თავდამსხმელი ერლინგ ჰოლანდი, პსჟ-ს ფორვარდი კილიან მბაპე და ახლა „ალ-იტიჰადის" მოთამაშე კარიმ ბენზემა, რომელიც ცნობილია მადრიდის „რეალსა" და „ლიონში" თამაშით.