ესპანური პრიმერას მე-14 ტურში „ატლეტიკომ“ „მალიორკა“ (1:0) დაამარცხა. მადრიდელთა ნახევარმცველი კოკე მოედანზე სასტარტო შემადგენლობაში გახლდათ და 63-ე წუთზე შეცვალეს.

ეს თამაში ნახევარმცველისთვის ყველა ტურნირზე „ატლეტიკოს“ მაისურით ნათამაშევი მე-600 მატჩი გამოდგა. ის გახდა პირველი ფეხბურთელი მადრიდული კლუბის ისტორიაში ვინც ამ ნიშნულს მიაღწია - გვამცნობს Opta Sport.

ამ მხრივ მეორე ადგილს ადელარდო როდრიგესი იკავებს (553).

კოკეს დებიუტი მადრიდის „ატლეტიკოში“ 2009 წელს შედგა. ის მთელ კარიერას ერთ კლუბში ატარებს. ამ დროის განმავლობაში მან მოიგო: ესპანეთის ჩემპიონობა, ევროპა ლიგა და უეფას სუპერთასი ორ-ორჯერ, ესპანეთის თასი და სუპერთასი.

ამ პერიოდში ფეხბურთელმა 47 ბურთი გაიტანა და 113 საგოლე გადაცემა შეასრულა.

მიმდინარე სეზონში კოკემ „ატლეტიკოს“ მაისურით 13 მატჩში ორი საგოლე გადაცემა მიითვალა.