გრაცის „შტურმის“ ნახევარმცველმა ოთარ კიტეიშვილმა განაცხადა, რომ ნელ-ნელა უკეთ არის და ტკივილების გარეშე ვარჯიშს ახერხებს.
„ჩემი ჯანმრთელობის მდგომარეობა ნელ-ნელა უმჯობესდება. ვვარჯიშობ ნაწილობრივ გუნდთან ერთად, ნაწილობრივ ინდივიდუალურად. ტკივილების გარეშე ვვარჯიშობ და იმედი მაქვს, რომ მალე ისევ ვითამაშებ“, - თქვა კიტეიშვილმა.
შეგახსენებთ, რომ ოთარ კიტეიშვილმა მიმდინარე სეზონში ყველა ტურნირზე 16 შეხვედრაში 4 გოლი გაიტანა და 6 საგოლე პასი მიითვალა.
