„ნაპოლი“ ხვიჩა კვარაცხელიასთან კონტრაქტის განახლებაზე მუშაობს, Tuttomercatoweb-ი კი ამ საკითხთან დაკავშირებით დეტალებს ავრცელებს.
წყაროს თანახმად, „ნაპოლი“ ახლოსაა ქართველი ფეხბურთელის ახალი კონტრაქტის გაფორმებასთან, რომლის მიხედვით ხელშეკრულება ერთი წლით, 2028 წლამდე განახლდება და მისი ხელფასი 4 მილიონ ევრომდე გაიზრდება. გარდა ამისა, კონტრაქტში იქნება პუნქტი მისი კიდევ ერთი წლით განახლების შესახებ.
შეგახსენებთ, რომ ხვიჩა კვარაცხელიას კონტრაქტი „ნაპოლისთან“ 2027 წლამდე აკავშირებს და ამჟამად მისი ხელფასი მხოლოდ 1.2 მილიონი ევროა.
