„ნაპოლის“ პრეზიდენტი აურელიო დე ლაურენტისი იტალია-უკრაინის მატჩს გამოეხმაურა, რომლებმაც ევრო 2024-ის საგზური ერთმანეთში გაითამაშეს.
დე ლაურენტისის თქმით, პენალტი იყო უკრაინელთა სასარგებლოდ და შესაბამისად იტალიამ თამაში მოიპარა.
„იტალიის ნაკრებმა კარგად ითამაშა, მაგრამ მატჩი მოიპარა, რადგან პენალტი იყო“, - აღნიშნა აურელიომ, რომელსაც ადგილობრივი ფეხბურთის ფედერაციის ხელმძღვანელობასთან თბილი ურთიერთობა ნამდვილად არ აქვს.
შეგახსენებთ, რომ იტალიამ უკრაინას ურთიერთშეხვედრებში აჯობა და ევრო 2024-ზე ითამაშებს, ხოლო უკრაინელებს შანსი პლეი-ოფში ექნებათ.
