საქართველოს ნაკრების კაპიტანმა გურამ კაშიამ ესპანეთთან მატჩის (1:3) შემდეგ ისაუბრა. მან განაცხადა, რომ გუნდის ამჟამინდელი მენტალიტეტიდან გამომდინარე მარტში, პლეი-ოფში კარგი შედეგის ჩვენების იმედი აქვს.

"ისეთი განწყობაა და მენტალიტეტი გვაქვს, ისეთი ბრძოლისუნარიანი ხასიათი გაჩნდა გუნდში, რომ ძალიან დიდი იმედი მაქვს, რომ მომდევნო ორ მატჩს წარმატებით ვითამაშებთ. ძალიან რთული იქნება, მაღალი წნეხი იქნება, თუმცა ჩვენი გუნდის იმედი მაქვს. ვიმედოვნებ, ყველა ჯანმრთელად იქნება და აუცილებლად წარმატებისთვის ვიბრძოლებთ", - თქვა კაშიამ.

შეგახსენებთ, რომ საქართველოს ნაკრებმა ევროპის ჩემპიონატის საკვალიფიკაციო ეტაპი A ჯგუფში 8 ქულით მეოთხე ადგილზე დაასრულა.მომდევნო მატჩს კი, ევრო 2024-ის პლეი-ოფის ნახევარფინალში 21 მარტს ჩაატარებს, მეტოქე ლუქსემბურგის ან აზერბაიჯანის ნაკრები იქნება.