კალათბურთი

1:20 | 18.11.2023 | ნანახია 928 - ჯერ

თორნიკე შენგელიას ორმაგი დუბლი ევროლიგაში

ევროლიგის მეცხრე ტურში „ვირტუს ბოლონია“ ათენში, „პანათინაიკოსს“ დაუპირისპირდა და მარცხი განიცადა - 76:90.

ბოლო პერიოდის წინ ბოლონიელები ქულით იგებდნენ, მაგრამ დასკვნითი ათწუთეული საშინლად ჩაატარეს, რომელიც 15 ქულით წააგეს და საბოლოოდ, დამარცხდნენ.

თორნიკე შენგელია მოედანზე ერთ-ერთი საუკეთესო იყო და ორმაგი დუბლი შეასრულა. ქართველმა კალათბურთელმა 32 წუთში 17 ქულა, 11 მოხსნა, 3 პასი და 2 დაფარება მიითვალა. თორნიკემ 13-დან 8 ორქულიანი და 2-დან 1 საჯარიმო ჩააგდო, ხოლო 3 სამქულიანი ააცილა. შენგელიაზე შედეგიანი მხოლოდ მისი თანაგუნდელი მარკო ბელინელი (20 ქულა) და „პანათინაიკოსის“ წევრი კონსტანტინოს მიტოღლუ იყვნენ (24 ქულა).

„ვირტუს ბოლონია“ ევროლიგაში 6 მოგებით და 3 წაგებით მესამე ადგილზეა, მომდევნო ტურში კი 23 ნოემბერს, „ფენერბაჰჩეს“ უმასპინძლებს.


კომენტარები (3)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

15:30 | 18.11.2023
baxt (1836)

დაიღალა ძალიან , რაც ბუნებრივიცაა, მეორე ტაიმში სულ 50 წამით დაასვენა მწვრთნელმა, როგორც კი დასვა, ისეთი გაქცევა მოაწყო მეტოქემ, არასრულ ერთ წუთში -5 გადააქცია+ 5 -ად და იძულებული გახდა დაებრუნებინა ისევ. დაღლილობა ბოლოს აისახა ხარისხზე..

14:01 | 18.11.2023
baxt (1836)

დაიღალა ძალიან , რაც ბუნებრივიცაა, მეორე ტაიმში სულ 50 წამით დაასვენა მწვრთნელმა, როგორც კი დასვა, ისეთი გაქცევა მოაწყო მეტოქემ, არასრულ ერთ წუთში -5 გადააქცია+ 5 -ად და იძულებული გახდა დაებრუნებინა ისევ. დაღლილობა ბოლოს აისახა ხარისხზე..

11:21 | 18.11.2023
liberaltmtyvneli123 (421)

ხო მარა რამოდენიმე საკვანძო მომენტში შეცდომები დაუშვა. . .

სარეკლამო ადგილი - 23
250 x 500
0.118937