„ნაპოლის“ სპორტულმა დირექტორმა მაურო მელუზომ ვიქტორ ოსიმენის შესახებ ისაუბრა. როგორც მან თქვა, კონტრაქტის განახლებაზე მოლაპარაკებები გრძელდება.

„ოსიმენი ნეაპოლში დღეს დაბრუნდა. გაივლის სამედიცინო შემოწმებას და შემდეგ გავიგებთ, როდის შეძლებს ვარჯიშს. ამ ტრავმას , როგორც წესი, 5-6 კვირა სჭირდება, ვეცდებით, რაც შეიძლება მალე მზად იყოს. კონტრაქტის განახლება მასთან? ამაზე უკვე რამდენიმე თვეა ვსაუბრობთ და მოლაპარაკებები გაიწელა. ვნახოთ, რა მოხდება“, - თქვა მელუზომ.

შეგახსენებთ, რომ ვიქტორ ოსიმენი წინა სანაკრებო პაუზაზე დაშავდა და მოსალოდნელია, რომ ის სათამაშოდ მზად მიმდინარე თვის ბოლოს იქნება.