ედუარდო კამავინგამ მადრიდის „რეალთან“ კონტრაქტი გაახანგრძლივა. როგორც „სამეფო კლუბის“ ვებგვერდი იტყობინება, ფრანგი გუნდში 2029 წლის ზაფხულამდე დარჩება.

აღსანიშნავია, რომ კამავინგას მსურველ გუნდს მის გამოსასყიდად 1 მილიარდი ევროს გადახდა მოუწევს...

ამრიგად, „რეალმა“ ვინისიუსის და როდრიგოს შემდეგ ახალი კონტრაქტი კამავინგასაც გაუფორმა.

შეგახსენებთ, რომ ედუარდო კამავინგამ კარიერა „რენში“ დაიწყო, ხოლო 2021 წელს „რეალში“ გადავიდა, რომლის რიგებში 114 შეხვედრაში 2 გოლი გაიტანა. მან მადრიდულ გრანდში ესპანეთის ჩემპიონატი, ესპანეთის თასი, ესპანეთის სუპერთასი, ჩემპიონთა ლიგა, ევროპის სუპერთასი და მსოფლიოს საკლუბო ჩემპიონატი თითოჯერ მოიგო.