„ბარსელონას" მთავარმა მწვრთნელმა, ჩავიმ, ჩემპიონთა ლიგის ჯგუფური ეტაპის მე-4 ტურში „შახტართან" მოახლოებული მატჩის შესახებ ისაუბრა.

„ჩვენ საუკეთესო დონეს უნდა დავუბრუნდეთ. ძალიან კრიტიკულები ვართ საკუთარი თავის მიმართ და გვსურს ხვალ ჩვენი თამაში მოვახვიოთ მეტოქეს. გვყავს მეტოქეები და უნდა ვიპოვოთ გზა მათ დასამარცხებლად. ეს ყოველთვის არ მოხდება. რთული პროცესია. თავმდაბალნი და მომთმენნი უნდა ვიყოთ.

„ჯობს ლამაზი თამაში, ვიდრე გამარჯვება?" ორივე ერთად იდეალური სცენარია, მაგრამ ვიცით, რომ ეს ყველა თამაშში არ ხდება. “ - ციტირებს ჩავის სიტყვებს უეფას ოფიციალური ვებ-გვერდი.

შეგახსენებთ, რომ მე-3 ტურში „ბარსელონამ“ „შახტარი“ ანგარიშით 2:1 დაამარცხა. H ჯგუფის ლიდერი „ბარსელონაა,“ რომელსაც მაქსიმალური 9 ქულა აქვს. 6-ქულიანი „პორტუ“ მეორე ადგილზეა, 3-ქულიანი „შახტარი“ - მესამეზე. „ანტვერპენს“ კი ჯერ ქულა არ მოუპოვებია.

„შახტარი“ – „ბარსელონას“ შეხვედრა დღეს, 7 ნოემბერს გაიმართება ჰამბურგში და თბილისის დროით 21 საათსა და 45 წუთზე დაიწყება.