მადრიდის „რეალმა“ ვინისიუს ჟუნიორს ახალი კონტრაქტი გაუფორმა. ინფორმაცია ოფიციალურად დადასტურდა.

ბრაზილიელმა შემტევმა „სამეფო კლუბთან“ ხელშეკრულება 2027 წლის ზაფხულამდე გააფორმა.

ვინისიუსი „რეალმა“ „ფლამენგოდან“ 2018 წელს შეიძინა. მას შემდეგ მან 235 შეხვედრაში 62 გოლი გაიტანა. მადრიდულ გრანდში სამხრეთამერიკელმა ორ-ორჯერ მოიგო ესპანეთის ჩემპიონატი, სუპერთასი და ფიფას საკლუბო მსოფლიოს ჩემპიონატი, ხოლო თითოჯერ ესპანეთის თასი, ჩემპიონთა ლიგა და ევროპის სუპერთასი.