იტალიის საკალათბურთო სერია A-ს მეხუთე ტურში „ვირტუს ბოლონია“ სტუმრად „გევი ნაპოლის“ დაუპირისპირდა, რომელიც 88:75 დაამარცხა და ყველა ტურნირზე ზედიზედ მეცხრე გამარჯვება მოიპოვა.

„ვირტუსმა“ მეორე პერიოდი 23:6 მოიგო, ასეთი უპირატესობა კი ხელიდან აღარ გაუშვია.

თორნიკე შენგელიამ 16 წუთი ითამაშა, ხსენებულ დროში კი საკუთარ გუნდს 12 ქულა, 1 მოხსნა და 1 ჩაჭრა შესძინა. ქართველმა კალათბურთელმა 3-დან 2 ორქულიანი, 2-დან 2 სამქულიანი და 6-დან 2 საჯარიმო ჩააგდო.

„ვირტუს ბოლონია“ 5 მოგებით და არც ერთი წაგებით „ვენეციასთან“ ერთად ლიდერია, მომდევნო ტურში კი 5 ნოემბერს „კრემონას“ სტუმრად დაუპირისპირდება.