„ბარსელონას“ მთავარმა მწვრთნელმა ჩავიმ „რეალთან“ მატჩამდე პრესკონფერენცია გამართა. როგორც მან თქვა, ჯუდ ბელინგემმა „სამეფო კლუბის“ სათამაშო სისტემა შეცვალა.

„ჩვენთვის ძალიან მნიშვნელოვანი თამაშია. გუნდში შესანიშნავი განწყობაა, ყველა ფეხბურთელს სურს თამაში. ლევანდოვსკი კარგადაა, კარგად ივარჯიშა. ხვალ მივიღებთ გადაწყვეტილებას ვინ იქნება განაცხადში, მათ შორის, პედრიზე. მხოლოდ ის ფეხბურთელები ითამაშებენ, რომლებიც 100%-ით მზად იქნებიან, სხვაგვარად, შეცდომას დავუშვებთ.

ბელინგემის ტრანსფერით „რეალის“ სათამაშო სისტემა შეიცვალა. „ელ კლასიკოში“ ფავორიტი თითქმის არასდროს არსებობს, ვერასდროს ვერაფერს იწინასწარმეტყველებ, ორივე გუნდს თანაბარი შანსი აქვს.

არ ვიცი, არის თუ არა, „ელ კლასიკოში“ ყველაზე დიდი თამაში, რადგან არგენტინაში ალბათ იტყვიან „ბოკა“ – „რივერს“, სევილიაში კი „ბეტისი“ – „სევილიას“, თუმცა, ობიექტურად, საკლუბო დონეზე ალბათ „ელ კლასიკო“ ყველაზე გამორჩეულია“, - თქვა ჩავიმ.

შეგახსენებთ, რომ „ბარსელონასა“ და „რეალის“ მატჩი 28 ოქტომბერს, თბილისის დროით 18:15 საათზე გაიმართება.