საქართველოს ქალთა ეროვნული ნაკრები უეფას ერთა ლიგის მესამე მატჩს ლიეტუვაში გამართავს.

ირის ანტმანის გუნდი ლიეტუვის ეროვნულ ნაკრებს 27 ოქტომბერს, სტუმრად, ვილნიუსში დაუპირისპირდება. მატჩამდე ერთი დღით ადრე, ჩვენმა გუნდმა შეხვედრის მასპინძელ, ლიეტუვის ფეხბურთის ფედერაციის სტადიონზე ივარჯიშა.

საქართველოს და ლიეტუვის ქალთა ნაკრებების შეხვედრა, 27 ოქტომბერს, თბილისის დროით 18:00 საათზე დაიწყება. მატჩის პირდაპირ რეპორტაჟს საქართველოს ფეხბურთის ფედერაციის Livestream.com-ის არხზე და ეროვნული ნაკრების ვებგვერდზე შემოგთავაზებთ.

საქართველოს ქალთა ნაკრების შემადგენლობა

მეკარე: თეონა სუხაშვილი (სანედი, იონიშკისი, ლიეტუვა), სვეტალნა გაბელაია (კოლხეთი, ხობი), ეკა თაბაგარი (ლანჩხუთი)

დაცვა: მარიამ კალანდაძე (ლანჩხუთი), სოფიკო ნარსია (ლანჩხუთი), სალომე გასვიანი (კვარტალი, თბილისი), გვანცა ქადაგიშვილი (ლანჩხუთი), ნინო გუჯაბიძე (ლანჩხუთი), ნინო ჩხარტიშვილი (ლანჩხუთი), თამარ ტატუაშვილი (ტრაბზონსპორი, თურქეთი), თამარ ქველიძე (ეტლინგვაიერი, გერმანია)

ნახევარდაცვა/თავდასხმა: ნინო პასიკაშვილი (კვარტალი, თბილისი), თინათინ ამბალია (ლანჩხუთი), ნათია დანელია (კვარტალი, თბილისი), თეონა თოდაძე (კოლხეთი, ხობი), ტატიანა მატვეევა, ანა ჩემინავა (ტრაბზონსპორი, თურქეთი), თეონა ბაქრაძე (ტრაბზონსპორი, თურქეთი), ნინო ბუხრიკიძე (სამეგრელო, ჩხოროწყუ), ხატია ჭყონია (ბათუმი), მაიკო ბებია (სამეგრელო), ანასტასია ბოლქვაძე (ლანჩხუთი), ლელა ჭიჭინაძე (ლანჩხუთი)

NAKREBI.GE