Sun Sport იუწყება, რომ ესპანელმა მეკარემ, დავიდ დე ხეამ, შესაძლოა „მანჩესტერ იუნაიტედთან“ მოკლევადიანი კონტრაქტი გააფორმოს, იმის გამო, რომ კამერუნელი მეკარე ანდრე ონანა 2024 წლის დასაწყისში აფრიკის ერთა თასზე გაემგზავრება. ტურნირის დასკვნითი ნაწილი იანვარ-თებერვალში გაიმართება.

დე ხეა ინგლისურ კლუბში 2011 წლიდან 2023 წლამდე თამაშობდა. გასულ ზაფხულს კლუბმა გადაწყვიტა არ გაეგრძელებინა ხელშეკრულება თავის ვეტერანთან და 52,5 მილიონ ევროდ ონანა იყიდა. 32 წლის დავიდმა მისთვის შესაფერისი კლუბი ვერ იპოვა და დღემდე თავისუფალი აგენტის სტატუსი აქვს.

კლუბში 12 წელზე მეტი ხნის განმავლობაში, ესპანელმა მონაწილეობა მიიღო 545 მატჩში. გუნდთან ერთად მოიგო ინგლისის ჩემპიონატი (2013), ევროპის ლიგა (2017), ლიგის თასი (2017, 2023), ქვეყნის სუპერთასი (2012, 2014, 2017) და ასოციაციის თასი (2016).