აზერბაიჯანის ჩემპიონატის მე-10 ტურში „საბაჰმა“ „სუმგაითი“ 3:1 დაამარცხა, ერთი გოლი კი დავით ვოლკოვმა გაიტანა.

ქართველმა ფორვარდმა, რომელიც 67-ე წუთზე ჩაერთო თამაშში, მსაჯის მიერ კომპენსირებულ მე-6 წუთზე გაიტანა და საბოლოო ანგარიში დააფიქსირა. ვოლკოვმა აზერბაიჯანის ჩემპიონატის მიმდინარე სეზონში პირველი გოლი გაიტანა (მერვე მატჩში).

„საბაჰი“ 10 ქულით მერვე ადგილზეა, მომდევნო ტურში კი ისევ „სუმგაითს“ შეხვდება, ოღონდ სტუმრად.